Quei e fetg sempel. Ins metta sin ina pasta solida (buca Blätterteig) ils fretgs ch'ins vul, lu sissu empau buglia, fatga ord Quark e dus ovs, per ina pasta da diameter 33 cm drov'ei ca. 250 ml liquid. Sch'igl ei memia stagn derscher in guot latg lien. Duess aber buca esser memia liquid, schiglioc va ei vess da cuer.

Miu frar metta adina dabia nuschs, impurtont ei da far ruosnas ella pasta (cun la savetscha) per ch'ei hagi ulivaziun denter il stuors (Blech) e il cuntegn sura. Igl ur saveis dar si alv d'iev, quei tarlischa lu e brischa dameins.

Ella buglia saveis aunc meter en canella e zucher sco vus leis, per fretgs dultschs dameins, per rabarbaras dapli.

Lu metter el fuorn, cun calira sura e sut, ca. 30 minutas, cun 220 grads.

Sissu grad prender ord il stuors per schar schigientar il plantschiu. Pettas da fretgs ein da magliar freidas, schiglioc veis il magun che stat lu mal.

SAveis era far cun caschiel ni spinatsch, lu metter en sal enstagl zucher, e tschaguolas e peiver enstagl canella.

Material senza buglia ca. 500 g.

quei fa surrir, quels compliments per ina sempla caussa.

tier nus ha quei tradiziun, ed il frar permiert fa mintga dumengias, e jeu sai lu profitar, sch'jeu haiel buca peda da far mez.